戰勝缺陷逆轉宿命

眼疾林曉萍 化學摘A 克服死穴 人生添姿彩

若那是終生的困難，有多少人會選擇跟「死穴」拚過？十九歲的應屆高考生林曉萍樣子甜美，更擁一雙又圓又亮的眼睛，眼眶卻隱藏着缺陷。她雙目患有先天性色弱，難辨顏色深淺，卻於高考克服了「又愛又恨」的化學科，摘下3A。眼疾令她不能投身警界或杏林事業，但都不是她那杯茶，她立定志向，心願成為言語治療師扶助弱小一群，「世界唔係所有嘢都可以完美，仲有得選擇已經好幸福」。

於沙田天主教郭得勝中學高中畢業的曉萍，小四時參加學童保健體檢後，證實受家族遺傳影響患色弱。「我覺得冇嘢解決唔到，中一以來都冇特別同學校講我對眼有事，曾有老師知道後，勸我唔好讀化學，最後我只於高考時託老師申請特別考試安排。」

每當她絞盡腦汁做化學實驗，但臨門埋尾時，隨時會因看不清化學液體的顏色而答錯題：「成個步驟都冇錯，最後答案如果係粉紅色，但我睇唔到，睇咗係透明色，付出嘅心機就浪費晒！」為克服「死穴」，她每次做實驗前兩天，會上網找資料兼請教同學，「上網搵吓啲化學物溝埋後，通常會變咩色，睇唔到都會問同學。」她以勤力彌補先天不足，化學科果然不負所愛獲A。

發明單手打呔器助殘障

曉萍樂於助人，去年與同學發明「單手打呔器」助殘障人士，奪香港科學比賽高中組冠軍。她曾想過上大學專攻醫療化驗：「但知道患色弱，讀呢科會難上加難，惟有放棄。」終決定加入「助人行列」，首選進修香港大學的言語治療科：「我唔會覺得自己因為有先天困難，要退而求其次，反而想幫番同樣有先天困難嘅人。」