政情：張文光斥踩場者冇禮貌

自從普選聯嘅方案漸露曙光，白鴿黨表明支持有關方案後，佢哋就一夜之間取代民建聯，成為社民連及社運人士嘅頭號圍攻目標。尋日普選聯搞集會，就慘被社民連同維園阿哥等人踩場，本身來自教育界嘅白鴿黨議員張文光忍唔住上台教訓班踩場人士，話民主社會應該要畀機會人講說話，如果只係識得用大聲公及粗口蓋過他人或惡言相向，唔單止冇禮貌，更係獨裁、極權社會嘅行為喎。不過班踩場分子聽完後仲變本加厲，睇嚟佢哋都唔多聽教嘞。