中環出更：區璟智教路 見工着鮮色

區璟智早幾日去香港會食飯，就着咗件淺黃色背心連身裙，以佢嘅風格，當然要襯埋同色系嘅手袋、圍巾、高踭鞋同埋佢最愛嘅頭箍啦，出嚟嘅效果夠晒搶眼，而且都好切合夏天氣氛。

作為中環人，黑白灰可以話係OL返工主色，不過頭箍小姐就唔係咁話。佢話事關唔計OT，每日最少要坐定定喺辦公室八、九個鐘，都唔好話唔悶，所以佢鍾意着鮮色衫返工，等辦公室多啲生氣。

佢仲教屋企啱啱讀完書嘅姪女們，去見工嘅時候，不妨喺沉色suit入面加番件鮮色襯衣，等老闆對你更有印象，增加見得成工嘅機會率。