政情：林鄭談塌樹卸責康文署

又有塌樹傷人事件發生，棵樹邊個管當然成為焦點。政府各個部門你推我讓係意料中事，估唔到負責樹木管理辦事處嘅發展局局長林鄭月娥都係一樣，尋日回應事件，除咗向家屬致歉，第一件事就即時「推莊」，重申棵樹係康文署負責管理同保養，即係話責任喺康文署度，唔關佢事咁話。臨尾為免被人追問，佢仲以訪問現場太嘈為由，問題都唔答就溜之則吉。講到底，樹木辦話晒統籌各個部門巡樹，早排又「大鑼大鼓」話巡查咗全港九成八問題樹，林鄭仲想甩身！