政情：吳清輝榮休晚宴基金包底
香港浸會大學尋日喺灣仔會展筵開七十席，賀校長吳清輝月底榮休，若以八百元一位成本計算，埋單找數最少要七十萬元，邊個找數呢？據聞教職員每位收四百元，學生就收二百元，餘數由學校一個Private Fund（私人基金）支付，而據知呢個私人基金與公帑無關。
李家祥方文雄樂意贊助
不過，吳校長擺榮休晚宴，又無理由要佢本人出錢賀自己嘅。我哋問過喺晚宴現身嘅會計師李家祥和身為浸大諮詢會榮譽委員嘅協成行集團董事總經理方文雄，兩人異口同聲話如果學校要佢哋幫手，佢哋好樂意贊助晚宴喎！
無論如何，尋日晚宴星光熠熠，方文雄嘅福布斯富豪父親方潤華、港區全國人大代表羅范椒芬等都有現身。原來羅太做過吳校長嘅學生，兩人亦師亦友，吳校長當年仲幫過羅太推動兩文三語添！