政情：金勞詹勸止辯論煲呔曾懶理

煲呔曾自把自為單挑公文袋黨魁余若薇辯論政改，被「金勞詹」詹培忠在內一班建制派狠批，但煲呔曾死牛一邊頸，辯論就唔取消嘞，反而約金勞詹上星期四上禮賓府食晚飯拉關係。金勞詹再當面告誡煲呔曾取消辯論，事關贏面全無，但就肯定抬高余若薇身價，相當不智！言猶在耳，政府尋日進一步公布辯論安排詳情，即係話，煲呔曾又當金勞詹嘅逆耳忠言係耳邊風。