中環出更：馬陳家歡潮孭Chanel袋
薪火相傳好重要，好似今屆東華三院就職，見到不少年輕面孔加入做總理，其中一個係馬浩文嘅太太馬陳家歡（Katherine）。Katherine年紀輕輕，但身兼多職，一方面兼顧爭分奪秒嘅投資事業，喺家中就要照顧幾個月大嘅囡囡馬思齊，閒時又投入東華嘅慈善工作，仲要抽到時間扮靚同shopping添。咁識運用時間好厲害。
扮靚同shopping稱得上係女人嘅天職，作為事業型女性嘅Katherine，對時尚潮流品牌亦從來無甩beat，好似萬千女士寵愛嘅Chanel，都係佢至愛品牌之一，屋企有唔少珍藏，早前東華就職就見佢孭住個近二萬元嘅黑色漆皮Flap & Clutch twin bag；其後有次東華午宴，佢就選用另一個價值近三萬二千元嘅白色「2.55」，兩個袋都絕對係潮物，用嚟襯衫啱啱好。
Katherine嘅老公馬浩文依家喺澳門一間酒店工作，經常穿梭港澳兩地，工作好忙，所以做善事嘅重任就交畀太太負責，佢就喺背後默默支持！
卓妮