關嘉美指：「球迷夜晚開住冷氣睇波，又飲凍嘢、又食花生、薯片，咁樣維持成個月，唔單止會肥幾磅，可能連膽固醇、血壓都上升，影響健康！」
她指通宵睇波更影響日間工作及生活，危害健康，令人容易患病，建議睇波期間應限制食量，不要豪飲啤酒或汽水，「如果決定飲一至兩罐，就算場波踢幾耐，都淨係飲咁多，或飲清水代替；若預計食好多零食，晚飯就要食少啲！」
坐姿正確 多做運動
衞生署建議市民睇波時，盡量避免進食肥膩和糖分高的小食，如薯條、爆穀等，可改吃一些健康食物，如鮮果、乾果，及飲用無糖果汁、水及清茶，代替高熱量的啤酒及汽水。
另外，睇波時應保持正確坐姿，多做伸展運動或四周走動，預防肌肉疼痛。