政情：KK寸起錨騷勁造作冇誠意

煲呔曾班子前周六上演嘅「起錨」騷，絕對可以用慘不忍睹嚟形容，佢哋今日計劃再接再厲，兵分三路落區「洗樓」硬銷政改方案。民協立法會議員馮檢基尋日就叮囑一眾高官，今日落區時一定要自然、認真同有誠意，個騷本身嘅訊息亦要好清楚，明寸前周嘅「起錨」騷唔自然、欠認真、冇誠意同訊息不清！佢又話做騷唔緊要，最緊要係真正做到騷，過程有互動之餘，仲要好似藝員表演咁，完場時要有掌聲喎。