澤安邨4000人冇啖好食

一九八三年落成的澤安邨現有居民約四千二百人，邨內熟食亭原設舖位四個、三十五個街市檔位及街舖廿三個。惟熟食亭於○五年一月起已沒有商戶經營，街市則因空置率高企，在○七年二月起亦改變用途。

街坊一日三餐跨區解決

「呢條邨真係冇啖好食，有陣時想飲杯奶茶同食碗粥都要搭車落去石硤尾，同孤兒邨冇咩分別！」在澤安邨居住逾十年的陳先生坦言，自邨內熟食亭及街市熟食檔相繼結業後，一日三餐中最簡單的早餐也需往區外解決，十分不便。

吳美（右）到澤安邨了解情況時，不少居民乘機訴苦，要求增加食肆。

澤安邨居民如欲外出用膳，最近亦須乘搭小巴前往石硤尾。

記者與當區區議員吳美實地了解情況期間，發現四個熟食亭舖位已改為圖書閣、資源閣、曲藝閣及棋藝閣等休憩用途；街市則變身為大學印刷室，其餘舖位亦十室九空，全邨只有一間小型超市及辦館，僅能為居民提供基本所需。

原為熟食亭的檔位已變成社區圖書閣及資源閣。	湯先生：「好似我呢啲老人家，冇可能成日搭車去買嘢食！」	梁小姐：「有時都想喺條邨度搵嘢食，但係根本乜都冇，都未見過有屋邨咁差！」

「依家啲街坊想出去食嘢，全部都要搭車去搵，根本唔係公屋應該有嘅配套！」區議員吳美直言，澤安邨人口急劇老化，不少居民均為行動不便的長者，房署年前諮詢區議會時曾承諾爭取將街市改設大學校外教室，增加人流，以吸引食肆投標，未料最終竟變大學印刷室，與原初構思大相逕庭。吳認為房署應因時制宜，以廉價租金吸引社企經營食肆，保障居民利益。

堅持市值租金 丟空商舖

公屋聯會主席王坤坦言，過去曾接獲逾三十名澤安邨居民要求調遷的個案，「佢哋想搬嘅原因唔係因為環境差，而係冇啖好食！」王建議房署重新發放熟食亭牌照，並制訂靈活租金政策，「房署想活化旗下資產，都要照顧居民真正需要！」

房署發言人表示，會視乎情況，分別透過協商、公開投標或直接租貸予社企的形式，為商舖及街巿檔位進行招租，但必須收取市值租金。至於澤安邨內原開設食肆的舖位，曾於○六年十一月至去年九月進行八次招標，惟未能成功租出。