政情：麥瑞琼嘆舖租狂

麥瑞琼尋日現身中國會食晏，講起加人工就滔滔不絕。佢話協會旗下大部分公司今年有人工加，加幅跟隨大圍市況，但亦有小部分公司冇人工加，係邊啲公司呢？麥小姐就口密唔講嘞。

不過人工加少少，租金就加多多。麥瑞琼話，唔少店舖近日傾續約時，都被要求加租百分之四十至五十。部分連鎖式店舖為保住市場佔有率，㩒過計數機之後，都要硬住頭皮續約。

諗深一層，商舖加租勁咗，對小市民絕非好事。正所謂「羊毛出在羊身上」，成本上漲，加幅遲早轉嫁到消費者身上都未定，到時打工仔即使有人工加，分分鐘唔夠抵銷百物騰貴嘅升幅。