中環耳目：何倍倩愛清淡壽司餐至啱

恒生銀行創辦人之一何善衡愛孫何乃斌（Terrence）太太何倍倩（Anina），生完囝囝Lawrence唔夠半年已經極速瘦身，準備養好身子再追多個。早前卓妮見到身形纖細嘅Anina，原來佢食嘢好清淡，最鍾意食冇咁肥膩嘅壽司，至愛食肆係銅鑼灣亨利中心十樓嘅壽司廣（Sushi Hiro）。
何倍倩
何倍倩

按序上菜 富層次感

Anina結婚前已經係品牌代理公司ZENSATION BEAUTE行政總裁，結婚後都堅持繼續做嘢，係如假包換嘅事業型女性。佢話好鍾意食壽司，貪佢冇乜油，健康啲，次次想食就會去Sushi Hiro食佢哋嘅壽司套餐。Anina勁讚佢哋係按次序上頭盤、沙律、主菜等，唔會一次過上，咁佢就可以慢慢享受熱、冷食嘅滋味，食落好有層次感。

壽司廣嘅壽司套餐介乎百幾至三百蚊之間。 （溫國佳攝）
  • 壽司廣嘅壽司套餐介乎百幾至三百蚊之間。 （溫國佳攝）

Terrence喺中環開咗一間法國餐廳Zenses，當年佢就係喺餐廳同Anina結緣。Anina話佢唔係咁鍾意法國菜，但每個月都會去食兩、三次。佢笑言去自己餐廳食嘢嘅好處係可以點餐牌以外嘅菜式，事關佢同老公有時會自創菜式，呢啲服務梗係老細至有啦！