政情：高達窒人唔成反出洋相

政府無力解決樓價高踞、升斗市民置業難問題，煲呔曾尋日去立法會答問大會時又採取拖字訣，話要作公眾諮詢後，先決定係咪資助市民置業。李永達喺會上質問煲呔曾做乜學埋老董啲衰嘢，唔聲唔聲取消咗釐定土地供應量、建屋指標等嘅長遠房屋策略政策（Long Term Housing Strategy，簡稱LTHS），不過佢發言時讀咗幾次都讀唔啱政策英文簡稱，搞到畀議員取笑，連煲呔曾都陰陰嘴笑，佢嘅質詢即時冇晒氣勢。