探射燈：常服消炎藥創痛難彌補

雖然暫無醫學證據顯示殘留在黎體內的子宮環會影響健康，不過已對黎構成無可彌補的心理壓力，「雖然話唔影響身體，但換轉係你，個心點會安樂？」黎嘆道。

回想過去的四十年，頻密的小腹痛、腹膜炎，黎須不時食消炎藥治療，就連與丈夫行房時，當觸及腹腔某些部位時，亦感疼痛，或多或少影響夫妻間的性生活。雖然未肯定是否與該子宮環有關，但對黎造成無可避免的心理影響，「如果我早啲發現，係唔係可以痛少幾廿年呢？」

她指摘，如非當年有人刻意隱瞞，她根本毋須擔憂，「當日拆唔到仲可以補救，但依家至發現已經做唔到手術，仲要日日驚個子宮環會再移位。」黎不滿家計會一句「冇資料」就將責任推得一乾二淨，「明明身體冇事唔使覆診睇醫生，但依家就要覆診覆到死為止，會方最少都要補償我日後嘅醫療費用！」