政情：馮檢基拒做立會主席

近日有傳立法會主席一職將會出缺，更有謠言話建制派想搵民協馮檢基做主席添。阿基尋日就大爆，話立法會議員詹培忠早於兩個月前，已經私底下問過佢有冇興趣做呢個位，但佢當時覺得金勞詹向來都係吹水唔抹嘴，對佢呢個咁「大膽」嘅建議都係聽完就算，仲話自己對議事規則唔係太熟，搵佢做主席實每個星期都笑到人碌晒地喎。阿基尋日就斬釘截鐵話自己唔會做，仲話覺得呢啲傳言係建制派分化泛民嘅手段，叫大家唔好咁認真對待，唔係就中計。