政情：英姐從政慘過做女工

英姐憶當年話，香港啲電子廠逐漸執晒笠後，佢哋兩姊妹就分別入咗工會，仲經常一齊合作。之後兩人愈做愈出色，英姐以勞工界功能組別代表身份入咗立法會，而林淑儀就做咗工聯會副會長，仲嫁咗個好老公，佢就係立法會議員黃定光。

英姐進身立法會議員，肯定係出人頭地，但係佢似乎羨慕姊妹林淑儀多啲喎！佢話林淑儀頭銜係立法會議員夫人，多過佢兩粒字，所以尊貴啲。佢話自己不止開工時間長過女工，依家功能組別議員又被人標籤咗，好似係社會罪人咁，真惡頂。