財政司司長曾俊華為遏止炒風，喺預算案出口術，警告話如果炒樓炒到變成一門生意，稅局會追收利得稅。點知一經工聯會立法會議員葉偉明追問，就踢爆當局根本無統計過去追收過幾多個案、涉及幾多稅款。稅務局局長朱鑫源解釋，追每單個案至少都兩、三年時間，人力資源所限先無統計。此話一出，葉偉明扯晒火鬧不能接受，事關呢個世界有電腦㗎嘛，仲話無數字點樣畀人衡工量值呢？質疑鬍鬚曾講嚟講去根本得個吉！