政情：峰會青年示威當磨練高官

已停辦三年嘅青年高峰會議尋日復辦，舉行期間場內場外都有青年示威，不滿主辦單位閉門造車，仲搞到向高官掟鞋。作為主辦單位嘅青年事務委員會主席陳振彬強調，同高官對話嘅青年並非內定，大會亦無限制台下青年發問，高峰會遇上有青年人示威表達不滿，正代表會議公開高透明度。問佢事件會否嚇怕高官，搞到佢哋今後唔敢出席高峰會，陳振彬就話冇有怕，咪當係對官員嘅磨練囉！