26/01/2010

播放本新聞相關短片

政情：潘潔遊魂講「標籤」亂晒龍

民調指副局長認知度近乎零，可能因為咁，環境局副局長潘潔近排頻頻出動，連好複雜嘅廢電器電子產品回收徵費計劃都搞埋一份，尋日仲出席立法會小組會議做說客。可惜唔知係咪環保政策太亂，李永達問緊個計劃內嘅標籤制度，佢突然遊魂，將標籤制度理解做能源效益標籤計劃，兩者「風馬牛不相及」，嚇到佢身邊嘅下屬即時提水。好彩議員尋日好忍讓，余若薇好客氣幫佢更正，大舊陳偉業只係窒咗佢一句：「唔好以為派個靚嘅，我哋就會（通）過。」