寶文喺旅發局負責搞活動，好似上年喺西九搞得有聲有色嘅紅酒美食節，就係佢有份諗橋同出力嘅節目之一，上年佢本來仲想搞一個冬季露天戶外大型溜冰活動，不過最後因為有重重關卡結果搞唔成，不過佢冇放棄，今年會再接再厲，希望年尾搞得成，認真有恒心。

至於盛傳會頂田少個位嘅「扮嘢文」就話政府仲未有人搵過佢，佢依家都周身唔得閒，啱啱先喺布吉忙完嗰邊新酒店開幕嘅嘢返嚟。講到今年農曆大年初一遇着係情人節，扮嘢文就講明到時會開自己幾份先掂，大家咪敏感住，佢唔係有幾個情人，只係到時佢又要過布吉，又要返成都睇住翻版蘭桂坊嘅興建進度，所以要「分」身啫。