01/01/2010

播放本新聞相關短片

政情：Eva鄭怕炒魷唔敢放假

立法會財委會下周五再審議廣深港高鐵香港段工程六百億元撥款，預料泛民繼續玩拉布拖延，搞到運輸及房屋局局長鄭汝樺（Eva）頭都大埋。Eva尋日畀傳媒問到有冇得放新年假？佢無奈話近期咁多事發生，驚放假畀人炒魷喎！話口未完，佢下周一就會帶隊同傳媒一齊試坐廣州至武漢高鐵線，感受高鐵嘅驚人速度，仲會硬銷香港連接內地高鐵網嘅好處，為爭取高鐵撥款開路。