本文重點
寒流又再襲港，女士們紛紛出動毛茸茸皮草禦寒。咪以為着Mink係女人專利，皮草公司老闆兼東華三院總理李鋈麟都係「皮草癡」，珍藏價值二百八十萬元人民幣藍寶石水貂皮草外，每逢冬天穿梭內地開會都會着皮草，夠晒姿整。
打造藍寶石水貂皮草
近年有人高呼保護動物，掀起反皮草風，但內地豪客仍是趨之若鶩，李鋈麟話，中國女排去年訪港期間，喺店內狂掃八十多萬皮草，買到幾乎碌爆卡。瞄準內地人使得起錢嘅心態，李早前打造一件鑲滿十七點八卡鑽石嘅藍寶石水貂皮草，叫價高達二百八十萬人仔。以一層樓價錢換一件皮草，值唔值得就見仁見智嘞。
不過皮草市場確係百花齊放，嚟緊三月，李鋈麟聯同一班英國設計師推出全球皮草回收大行動，喺中港及歐洲各地發起回收舊皮草，將舊皮草衫「拆骨」，重新縫製成八款新裝，一於用得唔好嘥。
卓妮