人稱「中國舒拉寶娃」嘅晏紫同本港上市公司信義玻璃二公子李聖根結婚消息，最近喺中港政商名流圈中廣泛流傳，但關於佢哋婚訊嘅版本多到七國咁亂。卓妮尋日見到張喜帖，擺酒日期同地點已經落實咗，原來本月三十日喺洲際酒店舉行。

新郎哥李聖根文質彬彬，佢係信義玻璃主席李賢義嘅次子，出任信義玻璃常務副總經理。雖然佢哋祖籍喺福建石獅，但早年落咗嚟香港，所以「川妹子」晏紫都算係做咗香港新抱。