23/12/2009

播放本新聞相關短片

中環耳目：梁美芬情迷朱古力

食朱古力令人快樂唔知係咪人人啱用，但立法會議員梁美芬就肯定係個不折不扣嘅朱古力迷，既要忙議員工作、又要忙城大教學工作嘅佢，一得閒就去又一城嘅COVA歎番杯朱古力充電。COVA喺香港同九龍都有分店，梁美芬多數去又一城嗰間分店，貪佢近城大又夠開揚，更方便出入。佢話成日都撞到城大嘅學生與同事，畀到好多靈感佢，所以佢經常一坐就個幾兩個鐘。

身為媽媽嘅佢，有好嘢當然會同囝囝們分享，所以去COVA歎完杯朱古力，佢就會行去隔幾間舖位嘅Godiva朱古力專門店買番啲朱古力粉返屋企沖畀囝囝飲，分甘同味。