Margaret話晒係恒生女大班，會唔會放假都要睇實個市㗎﹖Margaret話恒生同好多大機構一樣有call leave，即係放假期間唔可以掂公事，好似政府署任制度咁，將手頭上嘅工夫交畀副手做，呢個安排一嚟可以畀員工完全放低工作，真正休息吓，另一方面可以畀機會下屬接手，培訓接班人，而且公司唔會出現「冇咗邊個唔得」嘅情況，確保運作順暢。不過一向事業心重嘅Margaret笑言，歐美都喺聖誕期間休市，所以佢可以唔使咁眼緊實。