I.T.豪尋日喺立法會捧住幾十排朱古力派街坊，每塊重三點三安士，佢話本來想買現成朱古力送禮，但驚畀人話無新意，決定自己出手。佢先喺法國Valrhora專櫃買幾排朱古力磚，返屋企隔水煮溶佢，趁熱倒入模內再放入雪櫃，急凍三粒鐘就食得。

買朱古力模頭痕

過程聽落好簡單，但I.T.豪話，單係買朱古力模已頭痕，皆因坊間啲模以星形或心形為主，唔啱佢口味，最後搵到一款似足iPhone嘅長條形朱古力模。I.T.豪將朱古力重新包裝，除咗有牌子同佢嘅漫畫公仔，仲寫明朱古力嘅製作過程，非常煞有介事。咁有創意，睇怕I.T.豪轉行賣朱古力都得噃。