有立法會跑步王之稱嘅陳健波，一向奉跑步為靈丹妙藥，每周跑三日步外，仲做埋「跑步大使」。早前卓妮中午行經立法會，撞見波哥與大婚在即嘅涂謹申吹緊水，探頭八卦吓佢哋傾乜，原來係講緊跑步Keep Fit。波哥以過來人身份話，佢自幼體弱多病經常咳，又患有輕微高血壓，全靠五年前的起心肝狂跑步，果然不藥而愈，講到咁神奇，正在等
嘅阿涂聽見都心郁郁，不過跑步講恒心，健波心知要做到持之以恒唔易，於是同阿涂吹完水後，竟然轉身走去金鐘太古廣場，搞乜呢？原來係買手錶送畀阿涂。
嘅阿涂聽見都心郁郁，不過跑步講恒心，健波心知要做到持之以恒唔易，於是同阿涂吹完水後，竟然轉身走去金鐘太古廣場，搞乜呢？原來係買手錶送畀阿涂。
波哥揀咗隻芬蘭Polar牌子F7系列心率錶，賣點係根據佩戴人每日身體狀況，計算最佳訓練強度，咁就唔怕因為過量運動引發心臟病，呢隻錶仲會顯示運動後消耗咗幾多卡路里添，手錶盛惠千二蚊，健波一於照買也可。佢話之前送過三隻運動錶畀朋友，不過講到送錶畀立法會同僚，阿涂就係第一個喎。又係嘅，話晒阿涂即將做新郎哥，送錶既可鼓勵佢瘦身，又做埋賀禮，一舉兩得！