03/12/2009

播放本新聞相關短片

政情：IT豪寸煲呔曾唔識搞環保

煲呔曾推銷慳電膽計劃搞到犯眾憎，又迴避參加聯合國氣候變化大會，搞到畀環保組織封佢為「氣候逃犯」，到政府總部拉巨型海報通緝佢。立法會尋日動議辯論回應聯合國氣候變化大會，議員群起圍剿煲呔曾，連甚少觸及環保嘅IT界譚偉豪都湊熱鬧，話最近買咗本書準備送畀煲呔曾，圖文並茂教佢點樣慳能源，仲話換個慳電膽只係慳得好少能源，如果少啲開冷氣同少用水，相信慳得仲多喎，簡直寸爆煲呔曾！