香港動植物公園內設卵石徑（俗稱石春路），惟損壞多時仍未見康樂及文化事務署進行維修，白白浪費資源。不時前往動植物公園晨運的蕭女士坦言，眼見石春路損毀良久仍未見維修而大感可惜，「條石春路甩皮甩骨，早排落完雨仲浸晒水添，根本就唔會有人行！」蕭曾向多名公園當值職員反映，結果仍不了了之，不滿康文署職員視而不見。
中西區區議員鄭麗琼直斥康文署跟進不力，對轄下設施狀況不聞不問，「要整番條石春路唔係咁難，啲材料唔難買，冇理由拖咗咁耐！」
康文署發言人稱，上述石春路自○六年啟用以來使用率高企，塑膠地氈常有不同程度耗損及鬆脫，需不時作緊急維修。經該署與建築署商議後決定全面更換，預計十一月底完成。
