20/11/2009

播放本新聞相關短片

政情：肥亨瘦身成功打新工

前商務及經濟發展局局長馬時亨年前以健康理由提早辭職，最近又出任中策集團嘅非執行主席，引起外界質疑佢當年嘅辭職理由係咪真確。肥亨尋日出席中策記者會時，就強調當年醫生話佢唔適宜再喺高壓力環境下工作，又要佢減肥同降血壓，依家佢已經瘦身成功，只得一百七十九磅，比醫生建議嘅一百八十磅目標仲少咗一磅，血壓亦已回復正常水平，加上新職位只係非執行主席，壓力同做局長不可同日而語，所以佢先至答應邀請，同佢當年辭職冇任何矛盾。