港鐵近年致力改善傷殘人士設施，但仍有不足之處。陳先生指出，藍田站目前只有C出口設有斜道供輪椅使用者使用，但該出口外卻無任何過路設施，「坐輪椅出咗去根本冇辦法過到馬路，更加去唔到其他地方。」陳促港鐵增加無障礙通道出口，予民方便。
港鐵發言人表示，目前每個車站會提供最少一條無障礙通道。藍田站C出口已設有斜道，至於車站外的行人過路設施則需向有關政府部門反映。
路向四肢傷殘人士協會副主席羅偉祥狠批港鐵做法不合邏輯，「佢將條無障礙通道放喺冇過路設施嘅出口，咁有整同冇整有咩分別？」羅續稱，曾就有關事件多番反映，但港鐵仍拒作改善，「成日話出口以外嘅嘢要搵運輸署，根本就係藉口，完全冇考慮到傷殘人士嘅實際需要！」