「我毋須試。如果醫學證明係安全嘅，由自己身體抽出嚟，應該係無危險，亦係我暫時認識嘅隆胸方法最安全嘅，但依然擔心日後會有機會產生副作用，都係要睇定啲，而且一定要由醫生操刀。如果我不幸患上乳癌，我會考慮一下。」

歌星：葉麗儀

「有梗係好，令到女士可以重拾信心，我九六年做乳房割瘤手術時，都聽聞有類似技術，係抽肚腩下面嘅脂肪，填上去做咗手術嘅胸上，不過，我當時只係割三公分瘤，胸部凹落去個位，好似個酒窩，我又唔賣弄性感，冇需要咪唔做呢個手術，但係依家有呢個新發明，對一啲遲發現有乳癌要割胸嘅女士嚟講，係一件好好嘅事，因為可以幫到佢哋重建信心，乳房對女人心態係好重要。」

名模：周倩圯

「呢個方法幾新，雖然話係抽番自己啲幹細胞，但始終我未聽見，唔知有冇成功例子，亦唔知成效有幾大。同埋用水袋或矽嚟隆胸，都想像到個胸Size有幾大，但用呢個新方法真係好難想像點隆胸，同埋抽出嚟再擺番入去，係咪真係無排斥？另外，雖然香港女仔貪靚會肯試新嘢，但始終都要睇成功例子之餘，價錢都係一個問題。不過，對乳癌患者嚟講都係一個希望，因為胸部對女性好重要。」