10/11/2009

播放本新聞相關短片

政情：KK斥政府拒扶貧自招惡果

立法會福利事務委員會尋日討論本港嘅貧窮問題，議員馮檢基喺會上好激氣咁捉住勞工及福利局局長張建宗話，反映貧窮水平嘅堅尼系數已經喺風險線之上，呢個都係政治風險，因為政府嘅唔公道、唔合理、唔公平，同一面向商界傾斜，已經反映晒喺個堅尼系數裏面，政府有咩差錯，一個慳電膽就隊冧曾蔭權。佢仲話呢個就係佢唔處理貧富懸殊問題嘅後果！