經濟仍未復甦，「搵工」依然艱難，運輸署停發七年「師傅牌」後，今年決定重推四百六十個「師傅牌」，吸引大批巿民申請。持有駕駛執照逾十年的黃先生第一時間遞表申請，但早前獲覆因未符申請前須最少三年連續持牌之規定而被拒。「我舊年只係遲咗少少啫，唔通咁就抹殺咗我咁多年嘅駕駛經驗，呢個規定真係好好笑！」黃指去年續領駕駛執照時，因事延遲一個月續牌，未料就此失去申請「師傅牌」的機會。

吳先生持有十一種車輛牌照資格，經驗豐富。

失業率仍然高企，不少人士希望投身私人教車師傅行業。

深感失望要求覆核

至於擁有逾四十年駕駛經驗的吳先生，同樣因今年曾逾期未有續牌而被拒絕申請，「我個牌（駕駛執照）攞咗幾十年，可以揸十幾種車，連政府車都揸過，點解只係遲咗續牌就唔畀我考師傅牌？我對運輸署好失望！」另一名申請人黎先生亦因同一原因成為「受害人」，現已向運輸署申請覆核，希望能獲平反。

「申請人係遲咗續期，但運輸署既然畀得人續，即係承認佢哋嘅駕駛資格，咁點解又唔畀人考師傅牌？真係離譜！」香港商用車輛駕駛教師協會主席鄭楚光直斥有關條例並不合理，並稱是次申請程序問題多多，「好多考生同我反映，話依家有好多新例，運輸署唔單止冇畀資料考生讀，考試通知期仲好短，總之今次師傅牌推得好兒戲！」

立法會交通事務委員會委員王國興直指運輸署做法大有商榷餘地，「法例都係想確保申請人有一定駕駛經驗，依家反而令一啲有豐富駕駛經驗嘅人申請唔到，其實運輸署可以酌情考慮，唔好畀條法例困死！」

對於備受各界指摘，運輸署發言人重申，根據《道路交通（駕駛執照）規例》規定，申請人必須在緊接申請日期前已持有有關駕駛執照最少三年，而上述三位申請人之駕駛執照曾過期未續，未符規定。

發言人續稱，是次私人駕駛教師三個組別共有約三萬三千份申請，約二千五百份未符資格，截至十月五日，該署共接獲約三百宗覆核個案申請。

■記者：黃詩雅