香港人可能對電影《潘作良》較陌生，查實部戲由真人真事改編，講述信訪部基層官員潘作良一生為民請命，並在工作崗位上暈倒離世嘅英勇事迹。Thomas係識貨之人，早喺前晚首映禮前已喺另一場合睇過呢部戲，驚覺中國有個可以投訴政府部門行政失當嘅信訪部，令佢對中國國情了解唔少。

咪以為播愛國電影場面一定好冷清，《潘作良》導演宋江波及戲中幾位主要演員前晚遠道來港出席首映禮。喺明星效應下，一場首映已籌得約一百萬銀。主辦單位青少年發展聯會主席陳振彬話，部戲鼓勵無私助人嘅精神，值得推介畀青少年。至於首映籌得嘅善款，將撥捐青少年發展聯會嘅德育發展中心，為本地中學生舉辦品德教育營。