三太尋日以東華副主席身份出席東華午餐會，不過佢姍姍來遲，遲咗十五分鐘入場，原來係因為朝早喺養和醫院探賭王耐咗。三太近月頻頻撲撲，瓜子面更見尖削，不過佢否認瘦咗同照顧賭王有關。外界好關注到底燊哥幾時出院？三太都係嗰句：「等醫生決定。」佢話，燊哥年紀有番咁上下，康復進展一定唔及後生仔，近日更係緩慢地康復，燊哥閒來睇電視解悶，近日施政報告搞到滿城風雨，佢都有留意喎。

燊哥注重健康，東華總理李鋈麟都有強身秘方，佢自爆半年前開始，每朝空腹飲橄欖油及檸檬汁各一湯匙，之後如常食早餐，果然腸胃暢通晒，上廁所都舒暢好多，加埋游水及滑水，短短幾個月間，體重由二百磅大肥佬減至一百八十磅，着衫都型仔好多。