葉太指母親患病後自我照顧能力大減，「她唔沖涼、唔洗頭，試過失禁，又有時懷疑屋企人收埋佢啲嘢，其實佢未搵清楚，唔記得放喺邊。」葉太將母親送到沙田的癡呆症日間護理中心賽馬會耆智園，晚上接母親回家照顧。

中心內提供各項學習遊戲讓周女士動腦筋思考，例如在兩幅圖片找出不同之處等等，使智力退化速度減慢。

「做唔到唔好逼佢哋做」

為了在家中能更好照顧母親，葉太亦修讀了有關老年癡呆症的課程及聽講座。葉太說，改變自己的心態，能減低照顧患者時的壓力，「唔好成日期望佢可以做到以前啲嘢，好似自己煮飯、沖涼、保持衞生咁都唔得，因為智力退化咗。好似高錕太太所講，以前的高錕已經走咗。家屬要做的，是放低對老人家的期望，做唔到唔好逼佢哋做，而係盡量幫佢哋去做。」

葉太補充，其母在五十多歲退休後一直積極做運動、義工、家務等等，相信如此多元化的活動是母親八十多歲高齡才老年癡呆發病的原因。