02/10/2009

播放本新聞相關短片

政情：兩局長「談天」高下立見

北京事前特別利用科技打散雨雲，以免尋日舉行嘅建國六十周年慶典閱兵受天雨影響。有份觀禮嘅環境局局長邱騰華睇緊閱兵時大讚個天好藍，話香港應該努力學習吓；咁香港係咪有意引進科技打散雨雲？點知佢竟然話：「唔知喎，等我了解吓先！」係唔方便答定係真唔知，就要問佢喇。現場嘅保安局局長李少光就醒好多，大讚國家國防軍備改進好多，但問到香港係咪要效法，佢即刻封後門話，香港奉行一國兩制，防務工作有中央代勞，唔使咁多飛機大炮，兩人高下立見！