本文重點
【本報訊】「用咗七十萬元去抽紀念鈔票，以大包圍方式希望可一擊多中！」前晚十一時已到會展輪候今日領取紀念鈔的鄧先生直言，借助親友名義認購，結果幸運地抽中多套三十五連張、四連張及自選號碼，而為了購入更多紀念鈔供收藏和送予朋友，故昨日他發動六、七名友人到場接力輪購公開發售的鈔票，且揚言：「預咗呢四日都嚟排隊。」
有十多年收藏紙幣經驗的鄧先生說：「一早有海外朋友匯錢畀我，託我幫佢哋買。」連同他本人的支出，粗略估計合共花上七十萬元購買紀念鈔。他指，分別抽中六套三十五連張和十二套四連張，自選號碼亦有八套，部分用作收藏及寄予海外的朋友。
預咗排足四日隊
他說：「渣打銀紙紙質靚，自己又係渣打粉絲，所有渣打鈔票都有齊。」他指，今次更是首次發行一百五十元面額紙幣，他當然不會錯過，更稱：「預咗呢四日都會排隊買鈔」，昨日已經「走咗幾轉」，買入一百八十張單張紀念鈔。