路牌指示欠清晰，容易變成抄牌陷阱！的士司機陳先生日前於灣仔摩理臣山道巴士站附近落客期間，遭警方以違例於巴士站上落客票控，令他大感無奈，「嗰度明明有個七（上午七時）至七（下午七時）嘅禁區牌，但唔知幾時運輸署將個巴士站畫大咗，但個禁區牌仲喺度，咪搞到好多人中招！」陳指不少的士司機曾因此被抄牌。
灣仔區區議員鍾嘉敏批評有關禁區牌指示欠清晰，易成抄牌陷阱，「冇理由嗰度係巴士站，又有禁區牌，咁即係整個陷阱裝人！」鍾促運輸署盡快修訂清晰指示牌。
運輸署發言人表示，根據該署資料顯示，上址巴士站禁區位置兩年來未有改動，的士可於附近崇德街、立德里及日善街上落客。發言人又稱，為免司機誤會，該署會考慮將上述巴士站範圍劃為二十四小時禁區。