楊釗透露，去年金融海嘯爆發後，自己都驚咗要「避一避」，事關他自嘲「無技術，又無膽量」，唔夠膽貿然在波濤洶湧情況下入市。楊釗話，現時旗下生意主要集中在內地，主打房地產及零售業務，目前全國約有二千個銷售據點，規模相當龐大，由於休閒服需求愈來愈大，所以休閒服飾成為重點銷售項目，反而幫佢起家嘅牛仔褲銷售比例縮減至兩成。

楊釗做生意有聲有色，呢個世界啲錢係賺唔晒嘅，既然睇唔通股市，不如腳踏實地做生意，睇通至落手，可能就係楊釗發達嘅原因嘞。