不過內傭好容易令人聯想到二奶，全香港女士應該會齊齊企出嚟反對㗎喎！消息人士就話已經諗好晒，輸入嘅內傭一定會設有年齡限制，同時規定所有僱主搵內傭都要經中介公司，一定唔可以自己揀定人再申請嚟香港。消息人士又話，依家又考慮緊對所有家傭加設最高工作年期，可能做滿六年就唔畀佢哋再喺香港做嘢，到時就連居港權問題都解決埋。

ＣＰＵ係官方機構，提出建議應該經過深思熟慮，但係各方人士一聽到建議，都話由內地輸入家傭無可能。就算唔理各位女主人嘅反對，香港嘅基層勞工都唔會制。另外，香港嘅貧富懸殊一年嚴重過一年，政府一直都解決唔到，依家要輸入內傭去幫內地同胞脫貧，邊度過到立法會嗰關呀？