前立法會議員單仲偕（
雞）去年因為搵唔到位出選，被迫暫時退休。前日我哋喺灣仔地鐵站內撞到佢。雞話自從冇咗中環立法會個車位後，就好少再揸車落港島區，以免要周圍搵位泊車，不過佢強調以前都有不時搭吓地鐵，唔覺得有乜不便，反而因為唔會塞車而少咗遲到。
雞）去年因為搵唔到位出選，被迫暫時退休。前日我哋喺灣仔地鐵站內撞到佢。雞話自從冇咗中環立法會個車位後，就好少再揸車落港島區，以免要周圍搵位泊車，不過佢強調以前都有不時搭吓地鐵，唔覺得有乜不便，反而因為唔會塞車而少咗遲到。
雞又表示，過往做議員由朝忙到晚，依家佢日日瞓足八個鐘，有時九點半就撻落床，五點半就起身晨運，仲有時間炒股同約朋友吹水，生活都唔知幾寫意。佢又自爆最近炒台股賺咗唔少，港股佢就認為再升空間有限。
雞把口就好似好享受悠閒嘅生活，好似想永久退出政壇咁，但心裏面又係咪咁諗呢？我哋聽聞佢對鋪政治癮仲未搣甩，仍然心思思想重返立法會，港島區同新界西都諗過，但最後都係決定落戶九龍西，最近連地區辦事處都租埋。問佢係咪有咁嘅計劃，佢就話如果搵到位就當然會博吓，但亦唔會強求喎！