04/09/2009

播放本新聞相關短片

政情：棠哥避風頭吳秋北頂硬上

工聯會尋日拉大隊出席施政報告諮詢會，會長鄭耀棠、理事長吳秋北同一眾工聯會立法會議員都現身政府總部見煲呔曾。不過，會後工聯會開記招交代施政建議時，唯獨唔見棠哥，該會副理事長潘佩璆笑言：「棠哥話最近見得記者太多，所以今日留番畀理事長講喎。」身兼行會成員嘅棠哥早前被指違反行會集體負責制，公開反對高級公務員減薪，事隔多日佢都未回應過，唔知係咪唔想畀人質佢，所以選擇早早閃人，以免喧賓奪主，搶去工聯會嘅風頭。