現年四十七歲任職保安員的陳先生，剛於兩個月前受裁員影響而失業，身為家庭支柱的他為照顧妻子及兩名就讀小學的子女，惟有申請綜援「應急」，現時不斷靠任職散工幫補，「一個月最多得十幾日工開，每日三百蚊，收入不及以前一半」，他指現時全無議價能力，不理工資多少，只要有工開都照做，但至今仍找不到全職工作。

他指，以前任職長工時收入較為鬆動，經常會帶子女外出玩樂或買玩具，現時為慳錢已大大減少外出，只間中帶子女在公園玩，經常躲在家中，「經濟好就會工作機會多，人工都好啲啦，點解我仲未搵到工呢？」

行政人員馮小姐：「身邊有朋友依然好難搵工，有朋友做資訊科技，上年年尾搵工搵到依家先啱啱搵到，空缺依然好少，聽人講有公司依然無薪假、裁員，我會形容仲係『夜晚』，唔算『曙光』。」

保險業楊先生：「見唔到有『曙光』，失業率仍然高企，但政府又無特別措施，尤其係對中產，最幫到手係減稅措施，但又無做。」

怨氣高漲 攞綜援趨增

觀塘區區議員柯創盛本身從事地區服務，但明顯未有感到經濟有任何好轉，他說社會怨氣依然高漲，街坊求助個案增多，不少是埋怨物價高昂但生活質素下降，「如果經濟好，就唔會有咁多街坊嚟向我訴苦啦！」

香港社區組織協會主任何喜華批評，多項反映經濟的數據無改善，質疑政府稱經濟走出谷底的理據，「失業率無下降，成四分一青少年無工做，工資又無上升，攞綜援嘅人又多，低收入階層擴大，咁都叫經濟改善？」他斥政府明顯製造假象，拒絕「派糖」協助基層市民。