繼遭揭發遺失孫中山先生文物後，康樂及文化事務署在管理場地設施上亦被批甩漏處處。接連有市民發現多個體育館的健身室設施損壞情況嚴重，眾多損壞器材中，跑步機幾乎「總有一部跑唔郁」，加上維修時間過長，令租用者失望而回。議員促康文署簡化現有程序，毋令公眾服務因官僚作風而受影響。
旺角花園街體育館內健身室使用率長期高企，當中又以三部跑步機最受歡迎，但亦疑因「操勞過度」，其中兩部早前突告失靈，期間一部胸肌練習機亦出現故障。 記者 吳琰玲
停用多時 月費白交
ALAN月花一百八十元、以月票形式使用健身設施，因連月來一直未能使用而大呼不值，「到底幾時先整番好？個個月畀百幾蚊，但就成日都用唔到，真係唔抵！」
同為健身室常客的林小姐亦指經常無法使用設施，不滿康文署未能提供應有服務，「剩番一部跑步機，成日都要排長龍，我哋係時租，淨係排隊都排成個鐘，真係等到發忟憎！」
事實上，健身器材損壞並非只出現於旺角花園街體育館，記者巡視康文署轄下各區體育館健身室，發現器械損壞情況普遍，當中又以跑步機的損壞數量最多（詳見附表），損壞器材雖已標示暫停服務通告，但卻未有提及預計復修日期。
「問題就出喺康文署嘅採購程序度，啲設施冇辦法維修要先報銷、再報價，一搞就要搞足幾個月，今時今日仲用咁嘅程序，想唔影響服務都幾難！」油尖旺區議員許德亮批評康文署作風官僚，未有顧及巿民需要。
議員狠批程序僵化
立法會民政事務委員會委員張國柱亦認為，康文署按本子辦事作風影響服務質素，「康文署要依足規定，維修訂購一步步跟足做，要等好耐先維修好，搞到巿民用唔到啲設施！」張建議該署需不時檢查設施，並為使用率高及損耗率高的器械購備存貨，以加快更換程序。
康文署發言人強調，除日常巡視，合約承辦商會定期維修保養，簡單維修需時七至十四日，如零件缺貨或須向外訂購，維修期較長。該署轄下六十六個健身室，平均每個健身室每年約有七次健身器械損壞報告。
人人做記者ireport_00020055