23/08/2009

播放本新聞相關短片

政情：CY一時唔偷雞做保長

身兼行政會議成員嘅工聯會會長鄭耀棠前日無視行會集體負責制，公開表明唔同意已獲行會通過嘅公務員減薪方案。行會召集人梁振英（CY）尋日暗批棠哥嘅言論不合民意，又話會盡快直接向對方了解事件，睇吓有冇違反行會守則。其實CY過去亦發表過踩界言論，包括搶閘要求政府立法制訂最低工資，狠批政府處理包機事件不力等，今次佢變身做班長捉壞學生，真係可以算係一時唔偷雞就做保長。