31/07/2009

播放本新聞相關短片

政情:和統會六招拉近台港

由福建幫頭領楊孫西、盧文端同埋資深全國政協委員高敬德牽頭嘅中國和平統一促進會香港總會,尋日喺會展大禮堂舉行成立慶典,我哋都去湊熱鬧,見到全國人大常委范徐麗泰、行政會議召集人梁振英、「領呔大王」曾憲梓、震雄集團主席蔣震同前民政事務局局長何志平都喺度,原來佢哋都係總會嘅首席顧問。

和統會香港總會籌到四千萬元做啟動經費,總會最核心高層肯定出力唔少。理事長楊孫西、會長高敬德同常務副會長兼秘書長盧文端,尋日滿場飛招呼賓客,「霍老」霍英東二公子霍震寰亦有心為兩岸關係盡一分力,擔任監事長,睇嚟總會磨拳擦掌,真係想有一番作為喎。

中央官員喺慶典上講,和統會香港總會未來將會擔當橋樑角色,促進兩岸經貿、文化交流,高敬德亦致辭話,總會將會做好六件事,好似組團訪台、推動港台居民免簽證,同定期搞「和平發展論壇」咁。兩岸關係春風吹不斷,嚟緊親中陣營肯定好多嘢睇。

會考資訊一click即睇
詳情瀏覽on.cc《放榜無限分2009》

直擊人類豬流感最新疫情
詳情瀏覽on.cc《奪命流感》