雙手翹胸 一樣中招

案發位於將軍澳君薈坊，鄭融出席一個名為「Looney Tunes動感玩樂營—開幕禮」活動，與小朋友玩遊戲唱歌，活動至大約四時結束，鄭融在商場保安人員及女助手前後護送下離開，到商場門口登車。當時鄭以雙手翹在胸前，行至接近門口時，一名穿黑色T恤男子突然從旁邊衝出，伸出左手插入鄭手臂下摸其左胸，鄭受驚尖叫，對女助手說：「佢用手掂到我，非禮我！」色狼則呆站一旁，保安員立刻將他捉住。

鄭融要求商場報警，之後在女助手安排下先行登車離去，疑人則由商場保安帶入另一間房，五分鐘後警員到場將疑人帶走。警方發言人昨日證實，拘捕一名姓蔡（三十六歲）男子，案件已經交由觀塘刑事調查隊跟進調查。

做好榜樣 一定告佢

鄭融回家後情緒久未平復，傍晚透過電話接受本報訪問時坦言：「我絕對唔會姑息佢！」並稱遭非禮很嬲，她說：「突然有個男仔走過嚟襲擊我，我嚇到尖叫，我同女同事講佢掂我，非禮我，即刻要求工作人員代我報警。」她說：「作為巿民、公眾人物，我都一定會挺身指證佢，唔可以當冇事發生，太過分，從呢件事正好做一個榜樣畀所有女性睇，被人侵犯一定要報警，我一定要告佢。」

鄭融表示自己出席公開活動，一直有提高警覺，一定視察四周環境，做好保護自己的責任，事實上她在舞台離遠已看到疑人，她說：「我覺得佢行為有點怪異，已經同助手、大會講咗聲，更加保持住一定距離，所以離開時也有自我保護意識，但佢真係太突然咁衝埋嚟。」鄭融表示日後再出席公開活動，必定要求公司及客戶加派保安人員保護。

警署落口供 一臉愁容

至昨晚十時許，鄭融在母親、堂兄和女助手陪同下到將軍澳警署落口供，她一臉愁容，向記者說：「我好頭痛，好想快啲報完案返屋企，多謝大家關心。」說完雙目含淚，步入警署。

活動的大會司儀DJ余宜發在事發時聽到鄭融的呼喊聲，他說：「見佢好無奈、委屈，我就陪住佢，送佢上車離開。」余稱：「其實嗰個男仔都好奇怪，活動完咗隔住欄杆捉住我隻手話：『我想同鄭融握手！』呢個男仔我有啲印象，好多時啲公開活動都見到佢。」