政府部門「踢一踢、郁一郁」又一實證！銅鑼灣霎東街居民盧先生指出，住所洗手間內一條公用水喉日前突然爆裂，不斷流出食水，即時向水務署投訴，惟該署派員檢查後，卻未有即時關掉水掣，令食水繼續長流，「事隔成十幾日，啲水仲係『吧吧』聲咁流，就係咁，啲食水年中都唔知嘥幾多！」
盧因無法忍受「水長流」而轉向本報投訴，一經轉介，問題即迎刃而解，「水務署漏夜就嚟閂咗水喉，真係話都冇咁快，唔搵傳媒真係唔得！」
民間監管公共事業聯委會發言人蔡耀昌批評水務署跟進欠積極，兼「冇交帶」，「食水係珍貴嘅資源，咁嘅事一件都唔應該發生！」
本報於七月十四日將投訴轉介水務署，惟截稿前仍未有回覆。
